A MUNDET BDI TË BËN NDRYSHIMIN E KUSHTETUTËS VETË?

E pakënaqur që nuk u përfill nga kryeministri Gruevski pas zgjedhjeve, BDI-ja bën deklarata të cilat provokuan reagime të disa “ekspertëve” sllav si dhe disa shqipfolësve të cilët me të drejtë pyeten: pse nuk e bëri këtë deri sa ishte në pushtet?

Shkruan: Alistar Ramadani

Nyon: 14.09.2006

Partia politike e BDI-s mori një sërë aktivitetesh pas zgjedhjeve që nuk u përfill në qeverinë e Gruevskit. Protestoi qetë duke bllokuar rrugët e Maqedonisë Perëndimore dhe të Shkupit deri në Likovë.  Mbante konferencë për gazetarë ku i njoftonte mediet për hapat e mëtutjeshëm të saj. Nuk e përfilli kërkesën e PPD-ës që të bojkotohet parlamenti, edhe pse ishin dhe ende thirren se janë partner koalicioni, por morri pjesë në përvjetorin e pavarësisë së Maqedonisë. Pastaj një delegacion partiak këto ditë ishte në Bruksel që të njoftojnë Evropën për injorimin që bën Gruevski ndaj kësaj partie. Tash disa ditë është bërë aktuale kërkesa e BDI-s për ndryshimin e Kushtetutës së Maqedonisë!

Me që deri tani nuk pamë asnjë reagim serioz për kanosjet verbale që bënte BDI-ja nga askush, duke lexuar aty këtu ndonjë vërejtje të ndërkombëtarëve se koalicioni BDI-PPD duhet të tregohen konstruktive dhe të pranojnë realitetin e ri në Maqedoni duke u vënë në opozitë dhe si e tillë edhe të vepron, tjetër asgjë konkrete nuk pamë!

Kërkesa e fundit paksa rriti tensionin dhe reaguan disa “ekspertë” sllav, reagoi Xhuliana Jovanoviç (ambasadorja amerikane) si dhe Menduh Thaçi! “Ekspertët” sllavë reagimin e tyre e kanë kryesisht në stilin: BDI-ja si opozitë duhet të thotë diçka, prandaj me këtë rast shtiret se kinse është duke thënë diçka – Frçkovski. Ndërsa Popovski nuk sheh arsye pse të bëhen ndërhyrje në Kushtetutë kur që tani më në bazë të saj janë formuluar shumë kërkesa që kanë të bëjnë për anëtarësim në NATO dhe EU! Kurse ambasadorja Milovanoviç nuk pranon ndryshim të kushtetutës edhe pse nuk është kategorike për këtë duke kërkuar që qeveria e re duhet t’i përmbahet premtimit për reformat ekonomike si dhe zbatimin komplet të Marrëveshjes (kornizë)  së Ohrit.

Një mori reagimesh të cilat nuk tregojnë shumë, megjithatë reagim ka, ka edhe vend për t’u merakosur ngase në pyetje është një projekt për të cilin vetë BDI-ja nuk mund t’i dalë në krye pa pasur përkrahjen e popullit shqiptar në Maqedoni. Fakt është se pjesa dërmuese shqiptare zgjodhi dy parti politike që t’i përfaqësojnë ato në qeveri dhe parlament, por realiteti është ndryshe. Pala sllave në mënyrë arbitrare e anashkaloji, e përbuzi këtë votë të shqiptarëve dhe morri në qeveri një parti tjetër e cila te shqiptarët humbi. Pra, sllavët përdhosën votën e shumicës shqiptare, injoruan dy parti shqiptare, duke marrë në koalicion qeveritarë një parti shqiptare me më pak vota nga shqiptarët. Nga kjo sjellje joserioze sllave, BDI-ja e cila ka 14 deputetë tani kërkon ndryshime ne Kushtetutën e Maqedonisë, marrë këtu parasysh edhe 3 deputetë të koalicionit, ato të PPD-ës gjithsej 17 deputet dhe mbi 120 000 vota kërkojnë që të bëhen ndryshime në Kushtetutë!

Tani më është tepër e qartë se të gjithëve na intereson në cilat pika dëshiron BDI-ja të bën ndryshime, ngase nga globalja kuptuam se kërkohet që me kushtetutë të rregullohet fituesi në zgjedhje: shumica sllave të formon qeveri me shumicën shqiptare! Me që nuk e njohim Kushtetutën nuk mund të japim komentimet apo propozimet tona, megjithatë duke parë gjendjen faktike në Maqedoni, Kushtetuta e Maqedonisë nuk ekziston, ligje nuk ekzistojnë, gjithçka mungon sa i përket legjislaturës dhe implementimit të tyre në praktikë. Ndoshta edhe nga kjo mungesë sllavët sillen si sillen, ngase e dinë se asgjë nuk funksionon, ngase e dinë se do të ketë të pakënaqur por se kjo pakënaqësi do të jetë afatshkurtër dhe se gjërat do të vinë në binar shumë shpejt. Prandaj, kërkesa e BDI-s mos është në këtë kuadër, vetëm e vetëm të thuhet se ja po kërkojmë diçka por nuk na lejohet, i shihni edhe vetë reagimet!? Nëse është ky qëllimi, atëherë BDI-ja dhe të gjithë partitë tjera duhet të merakosen edhe atë tepër shumë bile sepse në zgjedhjet e fundit abstenuan më shumë se gjysma e shqiptarëve, ndërsa ato nuk ishin të fundit por do të ketë edhe të tjera, prandaj duhet të merakosen shumë dhe mos të luajnë me lojëra të ulëta politike kundrejt popullit për të cilin thirren se janë të zgjedhur. Për t’u bërë ndryshime në Kushtetutë me sa dimë ka disa kushte për t’i plotësuar, ato janë që të mblidhen mbi 150 000 nënshkrime (më korrigjoni nëse jam gabim) dhe me këtë peticion ligjor të provokohet ndryshimi i Kushtetutës. Pastaj, jo vetëm BDI-ja, por të gjitha partitë shqiptare dhe pjesa dërmuese e shqiptarëve mund të bëjnë këtë në koordinim të përbashkët duke u ulur rreth një tavoline të rrumbullakët, e jo njëri në jug e tjetri në veri ... (!)

Nëse vjen deri te kjo që përmendem më lartë, pra, deri te takimi dhe marrëveshja e shqiptarëve për ndryshim të Kushtetutës atëherë ne ju propozojmë të gjithë shqiptarëve që të venë firmën e tyre për ndryshim të Kushtetutës dhe atë jo vetëm të rregullohet që fituesi i palës sllave të shkon ne qeveri me fituesin e palës shqiptare, por të ketë ndryshime rrënjësore gjithkund ku shqiptarët figurojnë si pakicë kombëtare, të hiqen shqiptarët atje ku përmenden romët,turqit, boshnjakët, serbet etj. Ndryshe kjo kërkesë për ndryshim të Kushtetutës nuk më duket serioz. Por ka të bëj thjeshtë: të them diçka! Bëhuni më serioz burra, ngase e shihni shumë mirë se populli tani më është vetëdijesuar dhe se nuk mund të bëni marketing politik aq lehtë dhe t ju kalon pa u vërejtur.

____________________________________________________________________________

AMERIKA JONË

Skajshmërisht të izoluar, varfëri të papërshkruar, drogë, rrahje, vrasje, vetvrasje, kështu përshkruhen getot amerikane, në filmin me të njejtin emër. Aty pash lagjet shqiptare, pash fëmijt shqiptar, familjen shqiptare, geton shqiptare…!

Shkruan : Alistar Ramadani

Nyon 28.08.2006

Filmi në fjalë më la përshtypje të jashtëzakonshme, ngase bëhej fjalë për varfërinë, drogën, vrasjet që mbretërojnë në lagjet e zezakëve amerikan.

Dy adoleshent rastësisht lexojnë një konkurs ku kërkohen dy të zinj për të bërë reportazhë mbi jetën në getot amerikane, në këtë rast fjala ishte për një geto të Çikagos. Këto të rinj nuk kishin më shumë se 12- 13 pranvera, megjithate u moren vesht që të shkojnë të konkurojnë për t’u bërë « gazetar » të rinj ! U futën në ndërtesën e madhe luksoze ku gjendej lokali i radios duke shikuar anë e mbanë, poshtë e lartë, dhe duke përshpëritur njëri tjetrit diçka që vetëm ato e dinin se çka flasin ! Morën ashensorin dhe aritën në derën e kërkuar, trokitën disi të turpëruar. Doli një djalosh i ri, i bardhë, dhe natyrisht i pyet se çka kërkojnë aty ? Ata i treguan konkursin e hapur, dhe i thanë se ishin aty për t’u punësuar! Zëtëriu I bardhë I shikoj një here I habitur, megjithate vendosi që t I dëgjoj deri në fund, ngase ato insistonin se vetëm ato e dinë se si është jeta në të vërtetë në getot zezake, në lagjet zezake! Ishin tepër të rinj, por e bindën zotëriun realizator të radios që t I pranon për një provë. Kështu këta të rinj u pajisën me material të duhur për të bërë reportazhën, dhe ju pervjelën punës menjëherë. Provën që bënë ishte më tepër se ç kishte pritur realizatori I radios, kështu që I punësoji duke ju dhënë nga 500 dollarë në muaj rrogë. Këta të rinj tepër të gëzuar nga kjo rrogë që as ender nuk e kishin parë kërcenin nga gëzimi. Kështu filloji “puna” e tyre në Radio ! Ata, reportazhën e parë e morën nga prindërit e tyre, i pyesnin pse dehen, pse nuk i kanë derguar fëmijt e tyre në shkollë, pse nuk i kanë eduakuar si duhet, por jetojnë në atë mënyrë ? Prindërit përgjigjeshin thjeshtë se për të bërë këtë nuk u është dhënë rasti asnjërit për shkaqe papunsie, dhe për t i haruar grumbullimet e të këqijave dehen, ndahen, kacafyten në mes veti për asgjë hiç, drogohen, i përzën fëmijt e tyre, flejn rrugëve, vriten, burgosen etj. etj. Në ndërkohë përshkruajnë ndërtesat 15 katëshe ku ato jetojnë ! Çka të shohësh, mizori ! Shkallët për t u ngjitur në kate ishin të mbuluara me nevojën e fëmijëve të cilët e kanë kryer nevojën aty ku kanë mundur, papastërti e papërshkruar, grafite të ndryshme kudo në muret e ndërtesës, çdo njeri i ikte reportazhës ngase nuk kishte çka thotë, ndërsa disa të rinj të rrugës aty këtu jepnin ndonjë tregim të vetin sa për të parë si është të dalish në Radio ! Duke bërë intervistë, një veturë në lëvizje lëshon rrafalin e automatikut, shpëtuan për një qime të flokut « gazetarët » e rinj.

Të gjitha këto skena të tmershme më dërgonin në lagjet e cerovës, gazibabës, dizhonit, shutkës, në lagjet shqiptare kudo nëpër Maqedoni. Më delnin përpara syve rafalet e automatikëve në internet kafenë te çairçanja ku humbën jetën 3 adoloshent shqiptar në jetën e tyre më të mirë rinore. Më dilnin përpara skenat e dramave që janë përditshmëri tek familjet shqiptare. Vrapimi për pasurim të shpejtë është bërë dukuri tepër normale, kështu që nuk « zgjedhen mjetet » për t’u pasuruar shpejtë ! Kur themi këtë, kemi parasysh që me të vërtetë nuk zgjedhen mjete, bukfalisht tek shumica e tyre është çmim prioritar pasurimi i shpejtë, qoftë kjo edhe në mënyrë ilegale dhe jashtëligjore, qoftë spiunim dhe shitje të interesit së shumicës. Degjenerim total ! Këto dukuri dikush i solli ? Këto dukuri disi erdhën ! Kush e solli në lagjet shqiptare drogën, armën ? Nataliteti te shqiptarët ? Jo ! Këtë mjerim e solli shoqëria e papërgjeshme e cila e kishte pushtetin për një shekull me rradhë ! Ato ishin sllavët e atëhershëm me puthadorët shqipfolës, ato janë sllavët e sotshëm me puthadorët e sotshëm shqipfolës !

Qeveria e sapo « votuar me shumicë » në parlamentin e Maqedonisë ishte shkaktarja e luftës së 2001. Tani është e njejta ajo që injoron shumicën shqiptare, nënçmon shumicën shqiptare të Maqedonisë ! Sjelljet e tyre bëhen të padurueshme kur kihen parasysh të gjitha këto nënçmime, ato nuk i japin rëndësi kësaj fare me një fjalë, ngase në mesin e tyre ka prej « shqiptarëve » ! « Shqiptarë » këto që morën portofole ministrore të parëndësishme, u pajtuan me zvoglimin e ministrave, zv.ministrave , në vend se të kërkojnë zgjerimin e tyre ! Këta « shqiptarë » nuk morën asnjë ministri që ka peshë, e pse e bënë këtë a thua ? Ku qëndron dakordimi i këtyre « shqiptarëve » që i mori vocrraku Gruevski në qeverinë e sapoformuar ? Tani më edhe hapur flitet për infiltrimin e rahman morinave në kampin e partisë « shqiptare » që është në pushtet, ato janë në majat më të larta të partisë thanë në protestëne e fundit të koalicionit PPD-BDI përpara parlamentit !

Prandaj degjenerimi sa vjen e shtohet ! Ne apelojmë te institucionet Europjane që të marin hapa konkret për të parandaluar këtë degjenerim të një shoqërie të tërë sa nuk është bërë vonë. Europa dhe bashkësia ndërkombëtare duhet të sjellim specialistë në fushën e psikoanalizës në Maqedoni, dhe të bëjnë kontrollë shtëpi për shtëpi, njeri në njeri, të shohin se kush qëndron prapa këtij degjenerimi njerzor.

Kush jane ata te cilët i furnizojnë me drogë dhe armë fëmijt shqiptar ? Këtë apel duhet t a bën edhe BDI-ja edhe PPD-ja, bashkarisht të kërkojnë nga bashkësia ndërkombëtare këto specialistë dhe t i vënë në sprovë këta të cilët « qenkan ekspertë » në qeverinë e re Maqedone !

PPD-BDI do t a bindin elektoratin e saj vetëm nëse bëhen më të qartë dhe më transparent, se, vallë do t a lëshojnë parlamentin dhe t i kthejnë mandatet ose jo ? Ndryshe, le të thonë se nuk duan t i kthejnë mandatet ngase nuk është në favor të tyre, dhe elektorati të kupton më qartë se çfar qëllimi definitiv ka ky koalicion ?

Kalkulimet aritmetikore janë të dëmshme në rradhë të parë për këtë koalicion. Ne mendojmë se mandatet duhet të kthehen. Pas kësaj, të bashkuar duhet të kërkohet një marveshje e re shqiptaro-sllave për Maqedoninë, ku do të definohen qartë se kush ku e ka vendin në këtë shtet. Kjo marveshje të bëhet në prezencë të SHBA-ve dhe Europës dhe me nëshkrimin e tyre. Ndryshe, çdo vrapim për pushtet me sllavët në këtë shtet të padefinuar, do të kualifikohen shitje të interesave te njërës apo palës tjetër, dhe gjithnjë do të sillemi në  rrethin e njejtë pa rezultat !

Ose ! Protektorat klasik ndërkombëtar nëse palët nuk mund të meren vesht.

___________________________________________________________

OHRI 2?!

Situata politike në Maqedoni është fragjile dhe tejet e ndërlikuar për shumë qarqe politike ngase dita ditës pakënaqsia rritet tek popullata shqiptare prej deklaratës së Gruevskit se koalicioni BDI-PPD nuk ka vend në qeverinë e ardhëshme, edhe pse për këtë të dytën nuk u shpreh në mënyrë direkte.

Shkruan : Alistar Ramadani

                Nyon 16.08.2006

Mandatari i ri në Maqedoni Gruevski që në fillim të fitores së tij në kampin sllav bëri gabim fatal, nuk i rrespektoji shenjat e komunikacionit edhe pse shenja shihej prej së largu se ajo tregon drejtim të detyrueshëm në të djathtë, shoferi i Gruevskit së bashku me Gruevskin në veturë ia mbajtën në të majtë ! Nuk kuptuam vallë kanë marë gjobë për këtë gabim komunikacioni ?!

Si në komunikacion, ashtu edhe në politikë z.Gruevski bëri gabim fatal duke bërë zgjedhje me vetëdije për partnerët e koalicionit. Në Qeveri kyçi disa parti politike sllave dhe një shqiptare, për deri sa kjo shqiptare në kampin e shqiptarëve humbi nga koalicioni BDI-PPD, ato sllave u grumbulluan njëra pas tjetrës dhe « u morën vesh » ! Kjo marveshje për kabinetin e ri qeveritar zgjati besa pak tek sllavët, ndërsa partia humbëse tek shqiptarët ajo e PDSH-ës u mor vesh shumë shpejt me Gruevskin dhe u « qetsuan gjakrat » ! Me këtë rast u bënë gabim në hapa, ngase mandatari i ri nuk i rrespektoji as shenjat e komunikacionit (që tregon se edhe vetë është habitur si i mori gjithë ato vota, bile në rivotim i ndihmuan edhe disa shqiptar të PDSH-ës me urdhër « nga lartë ») por as pjesën dërmuese të shqiptarëve të cilët u përcaktuan për tjetër parti që t’i përfaqson, rrespektivisht koalicioni BDI-PPD.

Qëllimisht mandatari i ri deklaroji se për BDI-n nuk ka vend në qeverinë e tij, jo pse nuk kishte menduar që përpara « politikisht », por, ja e bëri të veten, me siguri ndoshta mban edhe ndonjë premtim të dhënë dikujt – dikund ! Tani kur më kabineti qeveritar është formuar, shumica shqiptare edhe më tej është duke i bllokuar rrugët e Maqedonisë perendimore si dhe ato të Shkupit. Taktikisht jobindëse këto bllokada, ngase ato bëhen në një kohë kur shumica ende flejnë, prej orës 9 deri në 9h30 të mëngjesit. Themi flejnë sepse ky është realiteti në shtetin e Maqedonisë, pjesa dërmuese e shqiptarëve janë të papunë, dhe ato më së shumti kuvendojnë gjatë natës, deri në orët e hershme të mëngjesit, kështu që nuk ju mbetet asgjë tjetër përveç se të flejnë, prandaj këto bllokada në këtë interval kohe mund të konsiderohen taktikisht të paqëlluara edhe pse kanë jehonë të konsiderueshme. Megjithate duhet të ndërohet orari i bllokandave që të ketë më shumë efekt.

Tani, shumica pyeten : çka pas protestave ? Nga Reçica e vogël, ku BDI-ja e ka selinë ( çudi, ata u deklaruan për selinë në Shkup një herë më herët… !) vinë deklarata se BDI-ja do të dalë me komunikime të reja. Disa thonë do t’i kthejnë mandatet, disa thonë se do të radikalizohet situata ku shenjat e para vine nga komuna Çair e Shkupti ku kuvendi komunal aprovoji pa votat sllave simbolet e komunës, duke mos e respektuar shumicën e Badinterit. Komunat tjera që janë mbikqyrje të prefektëve të BDI-s paralajmërojnë të njejtin radikalizim, ndërsa vetë Ali Ahmeti shprehet se do të mundohet që t’i menaxhon punët qetë dhe me mençuri ngase kthim prapa nuk është në interes të askujt.

Pra, në këtë labirinth politik, protagonistët të cilët bënë gabime dhe ato që mundohen këto gabime t’i relativizojnë sikur ska ndodhur asgjë tragjike, duhet të kthjellohen dhe të rishikojnë planet e tyre, sepse situata është aq e ndërlikuar sa që nga kjo situatë mund të provokohet Ohri 2. Disa « ekpertë » sllav tani më kanë deklaruar se Marveshja e Ohrit nuk është edhe aq e rendesishme, sepse në atë marveshje nuk janë bërë kthesa radikale për shtetin e Maqedonisë (L.Frçkovski), por se aty ka disa ndryshime të vogla sa për t’a qetësuar situatën. Të rikujtojmë se atëherë luftohej me armë ! Prandaj shtrohet pyetje : Çka është marveshja e Ohrit ? Çka rregullon ajo marveshje ? Pse u bë ajo marveshje ? Deri tani thuaja se të gjithë politikanët flasin për këtë marveshje, por në fakt siç i shohim punët, ato atë marveshje as që e paskan lexuar, lëre më që të dinë se çka thuhet aty ! Pastaj pyetja tjetër : Pse u modifikua kjo marveshje pas nënshkrimit të 5 protagonistëve politik, atëherë ku Trajkovski kërkoji këto modifikime, ndërsa Imer Imeri nuk pajtohej ? Këtu diçka nuk është në rregull, prandaj popullata duhet t’a mëson të vërtetën se për çka është fjala. Çka din mandatari Gruevski që aq qetë formon qeveri, dhe deklaron se ka formuar qeverin në korniza ligjore dhe kushtetuese !

Për mos të vazhduar me pyetje, se bëhemi banal, atëherë nga e gjithë kjo katrahurë poltike del se ne shqiptarët për të pasur rrespekt tek faktori sllav duhet të bëjmë një merveshje të dytë ku qartë do të definohet se çka për shqiptarët çka për sllavët. Me marveshjen egzistuese sllavët sillen sikur asgjë nuk ka ndodhur në Ohër, por se ajo datë do të mbetet në histori si diçka relative ! Për të bërë këtë marveshje, shqiptarët pas bllokadave, duhet t’i ja bëjnë të qartë edhe komunitetit ndërkombëtar se pakënaqsia jonë ka kufij, dhe se pa marveshje të re nuk do të participojmë në jetën politike të një vendi ku nuk rrespektohet vota e shumicës.

FRANCA 2006 !

Skandalet në administratën Françeze kanë bërë që njerëzit që udhëheqin ate t’i kapë panika !

Shkruan : Alistar Ramadani

Nyon 17.05.2006

Për ato që nuk janë në rrjedhë se ç’po ndodhë me Francën e sotshme e cila është thellësisht e fundosur në skandale të llojeve të ndryshme qeveritare do të mundohemi në disa pika t’ju njofotojmë se për çka në të vërtetë është fjala !?

Aktualisht e ashtuquajtura « l'affaire d'Etat" Clearstream »  ndryshe e quajtur nga fraçezët wotergate français mbulon të gjitha faqet e shtypit françez, europjan, dhe shtypit botëror ! Në këtë aferë shtetërore CLEARSTREAM (klirstrim) janë të përfshirë simbas këtyre mediave vetë Kryeministri françez Dominik de Vilpen dhe ministri i punëve të brendshme françeze Nikola Sarkozy. Fjala është për një aferë të vitit 2000 por që shenjat e para të malverzimeve, keqpërdorimeve, trafikimieve, larjen e parave si dhe lojrat e fëlliqura për përfitime personale del në vitin 2004 kur gjykatësi Renaud Van Ruymbeke i cili punon në gjykatën e Parisit, mer disa letëra anonime dhe një CD me emrat 895 kontove bankare të cilët janë të implikuar në rrjetin internacional të malverzimeve dhe abuzimeve të pozitave të tyre shtetërore në mesin e të cilëve është edhe Ministri i Punëve të Brendshme françezi Nikola Sarkozy. Kjo aferë mer përmasa të mëdha këtë vit, ku në skenën politike françeze dhe vetë shtetin e Francës nuk shkojnë punët ashtu siç kërkohet në një shtet modern Europjan, por disa gazetarë bile shkojnë edhe më larg kur thonë se në këtë mënyrë Franca lirisht mund të krahasohet me ndonjë vend afrikan sa i përket qeverisjes !

Lufta e hapur (më bën të rikujtoj serbet) në mes partive politike françeze tani më është në nivelin më të ulët politik dhe intelektual ma mer mendja që prej fillimit të Francës si shtet ! Partitë politike nuk zgjedhin mjete duke sharë njëra tjetrën. Opozita kërkon largimin e De Vilpenit dhe qeverisë që ai udhëheqë, kurse pozita natyrisht nuk e pranon këtë. Kishte votëbesim në parlamentin françes dhe De Vilpen shpëtoji për një qime të flokës ! Paraprakisht, presidenti Françez Jaque Chiraque nuk pranoji që të shpërndan qeverinë me theks të veçantë se Gjyqi duhet të bën hetime për aferën Clearstream, dhe kështu që qeveria De Vilpen të vazhdon punën !

Në Francë nuk shkojnë punët si duhet ! Agonija françeze zgjatë prej vitesh, por europjanët nuk janë të njoftuar se çka në të vërtetë është ka ndodhë në Francë ? Pionerja për bashkimin e Europës Franca është duke ra prej skandali në skandal. Vetëm të rikujtojmë revoltën e zezakëve françez të cilët dogjën gjysmën e Francës për shkak të jetesës getoiste të tyre. Kjo revoltë daton prej vitesh, sepse njeriu i zi në Francë e ka shumë vështirë të punësohet, edhe kur ai ka diplomuar në ndonjë drejtim. Disa herë mediat françeze këtë edhe e kanë vërtetuar duke bërë prova me kamera të fshehura në firmat françeze. Një i zi dhe një i bardhë me të njejtën diplomë konkurojnë për punësim, të ziut i japin përgjigjen se kanë gjetur punëtor, kurse të bardhit ia ndalin dokumentat dhe i thonë : së shpejti do t’ju kontaktojmë ! Pra, kjo që thamë është vetëm një shembull se pse të ashtuquajturat bonlieu français (lagjet,rrethet, vendet, françeze), ku shumicën e përbëjnë të zitë dhe që kanë konfesion Islam, u revoltuan dhe filluan të ndezin gjithçka që shihnin përpara, sidomos veturat, duqanet etj. Bile kishte përleshje të ashpra edhe me policinë. Ministri Sarkozy i quajti racaille (të fëlliqur) këto njerëz dhe paralajmëroji luftë të ashpër kundër tyre. Si rezltat disa qindra të burgosur, të rahur brutalisht, dhe disa viktima.

Republika Françeze, i ka hapur luftë vetë popullatës së vetë, duke mos mundur të zgjedhë çështjet sociale, shteti Françez devijon kursin politik në ate të të huajve që e kanë vërshuar Francën, sidomos atyre që vinë prej shteteve Magribiane (Maroko, Algjer, Tunis). Vetë Ministri Sarkozy propozon ligj special për të huajt. Shteti Françez me këtë ligj në të njejtën kohë i përforcon kufijt e saj për të huajt që eventualisht duan të vinë në Francë dhe për ato që janë në Francë por që nuk janë të rregulluar me letra. Ky ligj është totalisht diskriminues, ngase nuk lejon bashkimin e familjes, kështu që shkel në mënyrë flagrante të gjitha konventat ndërkombëtare për të drejtat e njeriut. Ndërsa ato që janë në Francë, por që nuk janë të rregulluar me letra, ka mundësi që Franca t’i kthen prapa prej atje ku kanë ardhë ! Në shikim të parë çdo gjë në rregull, dhe normal, do të thotë dikush se kështu Franca i mbronka interesat e saja dhe qytetarëve të saj !? Por, përgjigja do të ishte se nuk është ashtu, ngase Franca është shtet Europjan, antare me peshë në komunitetin Europjan, stratege e kushtetutës Eurpjane (që e hudhën poshtë vetë françezet në referendum), nënshkruese e shumë dokumentave që kanë të bëjnë me të drejtat e njeriut dhe konventave ndërkombëtare, bile pionjere për mbrojtjen e të drejtave të njeriut, kurse nga ana tjetër vetë i shkel ato ! Nërsa nga ana tjetër, Franca propozon shtejtimin e vizave të Shengenit !

Jo ! As kjo nuk është arsyeja pse Francën e ka kapur panika! Në vetë gjirin Europjan Franca dita ditës është duke humbur kredibilitet tek partnerët e saj, ngase shumica e europjanëve janë duke e pyetur veten: çka po ndodhë me Francën dhe françezët? Prandaj, për të rikthyer sadopak kredibilitetin e humbur, shërbimet sekrete bëjnë çmos që çështjeve thellësisht sociale t’ju japin kahje politike, kështu që të politizojnë sa më shumë që është e mundur Francën, duke e nxjerrë ate edhe jashtë kufijve Françez! Tani më haptas flitet se për zgjerimin e Europës Franca do të aplikon referendum nëse françezët janë për ose kundër pranimit të anëtarëve të rinj në komunitetin Europjan! Do të thotë se për secilin shtet të mundshëm kandidat françezët do të dalin në referendum! Në këtë mënyrë Franca është duke na e bërë me dije se është kundër zgjerimit të KE dhe pranimit të anëtarëve të rinj në komunitet. Antarët tjerë të KE tani për tani nuk kanë reaguar! Jemi shumë kurioz të shohim se cili do të ishte reagimi I tyre për hapin e ndërmarë nga Franca?

Që Franca të ndërmer këto hapa, tani më është shumë e qartë pse? Sepse nuk dëshiron në rradhë të pare Turqinë në KE, por as shtetet e Ballkanit, sidomos Maqedoninë, Shqipërinë, Bosnjen, Kosovën, ndërsa Serbinë do t’a pranonte edhe përkundrejt faktit që serbet bën gjenocid të paparë që prej luftës së dytë botërore e këndej, ngase aleancat e vjetra nuk harohen lehtë, Franca është konsekuente në qëndrimet e saja sa I përket eleancave të saja të vjetra me sllavët, paçka se ato kanë bërë gjenocid dhe nuk kooperojnë me institucione Europjane. Këtë hov Francës dikush duhet t’I ja ndal, ndryshe Europa nuk mund të bëhet dhe të agziston pa vendet e Ballkanit, dhe duhet të ndërpres cicmicet e saja, ose të ndërmer hapa konkret dhe t’I ja tërheq një here e mire vërejtjen Francës, se Europa nuk është Francë, por se Europa është komunitet ku edhe 24 të tjerë kanë diç për të thënë, dhe se nuk do të lejon që komunitetin Europjan t’a dirigjon një shtet ashtu siç I teket dhe kur t’I teket, por se rregullat dhe ligjet Europjane për të gjithë vlejnë njësoj dhe prej këtyre të themi principeve nuk duhet të devijon asnjë anëtare e saj. Vetëm në këtë mënyrë Europjanët tjerë do të na tregojnë se janë për zgjerimin e saj, vetëm në këtë mënyrë eurpjanët tjerë do të na tregojnë se vendimet e tyre për zgjerim janë serioze, dhe vetëm në kët ë mënyrë do të na tregojnë se Franca luan rol në komunitet, por se vendimi meret nga të gjithë e jo prej një antari të saj.

Maqedonia ka shumë punë për të bërë, edhe pse është e emëruar si kandidate e mundshme, Maqedonia shumë lehtë mund të bjerë në pozitën e një shteti ku KE nuk ka interes, pikërisht falë Francës dhe politikës së saj të çoroditur! Nëse Maqedoni nuk ka plan B, atëherë nuk di se si do të mund të arsyetohet përpara qytetarëve të saj me premtimet boshe të komisionerëve Europjan. Ngase, datat që I shohim tani për antarasim eventualisht të plotë në KE janë shumë larg, bile aq larg sa që lirisht mund të themi se Europa është duke luajtur lojën e maces dhe miut me Ballkanin. Ballkanasit kanë mundësi t’I thonë STOP – HALT – ARRETE kësaj strategjie Europjane të pakuptueshme. Sepse Ballkani nuk është as në Azi, as në Amerikë, as në Afrikë, as në Ekuador, por në Europë. Europa nuk ka të drejtë të luaj me ballkanasit më.